Chasing Small dreams
One day for hostel, my guy ask me say, "Bro, you get any online update?" I don dey shy to tell am before, but I think say, after all, we all dey hustle for money. I gather courage tell am, say, "Omo, I get one legit website wey dey pay." E quick ask me, "How much?" I tell am, "If you dey very active, you fit make like 50 to 300 naira per day."
E come ask me, "How long I go dey do am?" I tell am, "Na from 8am to 9pm, just 11 hour work." To my surprise, the guy burst laugh. He say, "Na all be this?" I come dey try explain give am again, I say, "Omo, you fit still make 3k every month if you serious, but you go first subscribe with 2k."
As I talk finish, the guy continue to dey laugh. He say, "You don finish look me finish, na this one you think say I dey find? Abeg, this kind level no reach for me." I try calm am down, I tell am, "Guy, na just side hustle o, nothing serious." But the guy no gree, he just dey laugh, say, "The least side hustle wey I wan do online now na 5k monthly. If na this one be your own, abeg, dey do am well."
At the end, I shame for myself as the guy waka commot. But anyhow, life go still continue. Na hustle we all dey, one day better go come. 😔
